Şanapipik
Bağ mövsümünün xoş xatirələrini təcəssüm etdirən “Abşeron bağları” kolleksiyasına məxsus olan Şanapipik süfrəsini təqdim edir. Qızmar günəş altında qəlblərə sərinlik gətirən yaşıllıq, mavi səma və dənizin firuzəyi çalarları fonunda dirsəklənərək bu mənzərəyə baxarkən insanla tez dostlaşan, bərəkət, bahar, sadiqlik rəmzi olan bu balaca quşa diqqət edin. “Şanapipik” əfsanəsini xatırlayın. Övladlarına, ailəsinə bağlı, abırlı, həyalı, saçları xınalı gəlin başını yumaq istəyəndə qəfildən qayınatasının səsini eşidir.
Həyətdə oynayan uşaqlar babalarının qabağına qaçır, darağı başında gəlin isə səliqə-sahman yaradıb, örpəyini örtmək istəyəndə qəfildən qapı açılır. Əllərini Allaha uzadan gənc qadın quşa dönüb bu biabırçılıqdan yaxa qurtarmaq üçün dua edir. Qayınata içəri girəndə Şanapipik də qanad çalıb qapıdan uçub çıxır. O vaxtdan bu gözəl quş - övladlarından nigaran gəlin - “hop-hop”, “ud-ud” deyərək uşaqlarını səsləyir.
Deyirlər hər əfsanənin gerçəkliklə bağlanan kökləri olur. Bunu balıncın üzərində təsvir olunan Şanapipiyin yuvasına nəzər salsaq, onun balalarına bəslədiyi münasibəti müşahidə etsək aydın görə bilərik"
tarix vərəqi
- Material
- Polikoton
- Məhsulun kodu
- 202001
- Ölçü
- 150 x 220 sm