Bərəkət

Günəşin, torpağın, təbiətin rənglərini və incilərini  bir yerə toplayaraq, onları səməni yaşıllığı ilə süsləyən yeni dizaynın mərkəzi romb və onun dörd bucağını bəzəyən sünbüllər ruzi-bərəkət energetikasının toplandığı məkanı ehtiva edir. Qızılı sünbüllərin nazik lentşəkilli davamı isə münbit, bərəkətli Azərbaycan torpağının naz-nemətlərinə, gözəl təbiətinə, zəngin bitki aləminə sanki bir səyahətdir. Dünyaya çiçək ətirli sülh ismarıcı ötürən Odlar Yurdunun bu parçası sahibinə ruzi-bərəkət, əmin-amanlıq və rəngarəng həyat arzusu ilə ərsəyə gələn sənət nümunəsidir.