Qızıl şırvan

Süfrənin dizaynı Azərbaycanın ən qədim sənətlərindən biri olan xalça sənətindən ilhamlanmışdır. Xalçaçılıq sənəti Azərbaycan xalqının milli mədəniyyəti tarixində müstəsna yer qazanmışdır.  2010-cu ilin Noyabr ayında “Azərbaycan xalçası” sənəti UNESCO-nun qeyri-maddi mədəni irs üzrə reprezentativ siyahısına daxil edilib. Dizayndə əsas ilham mənbəyi kimi Quba və Şirvan xalçaçılıq məktəblərinə məxsus olan xalçalar istifadə olunub.  Şirvan məktəbi gözəl xalçaları ilə məşhurdur. Şirvan xalçaları mürəkkəb təsvirləriylə və çoxlu miqdarda insan, quş, məişət təsvirləri ilə xarakterizə olunur.